ಭ್ರೂಣದ ಮಾತು

ಹುಟ್ಸೋದ್ಯಾಕೆ ಸಾಯ್ಸೋದ್ಯಾಕೆ
ನಮ್ಮಯ ತಪ್ಪಾದ್ರು ಏನು?
ಸ್ತ್ರೀಭ್ರೂಣವಾಗಿದ್ದೆ ತಪ್ಪೇನು??
ನಿಮ್ಮಯ ತೆವಲಿಗೆ ಆಡದ ಮಾತಿಗೆ
ನಮ್ಮಯ ಈ ಬಲಿ ಹಿತವೇನು?

ರೋಗಿಗಳನ್ನು ಉಳಿಸುತ್ತೀರಿ
ನಮ್ಮಯ ಸಾವಿಗೆ ಕಾಯುತ್ತೀರಿ
ಸಂಕಟಕೊ ಇಲ್ಲ ಸಂತಸಕೊ
ಕಡೆಗೆ ಕಂಬನಿ ಹರಿಸುತ್ತೀರಿ
ಅದನೂ ಕೊನೆಗೆ ಮರೆ ಮಾಡುವಿರಿ
ಮುಖವಿಲ್ಲದ ಮಾನವರಾಗುವಿರಿ!

ಕರುಳಿನ ಕುಡಿಗಳ ಸಾವಿಗೆ ಕಾಯುವ
ಮಂದಿಯ ಒಳಗೆ ಕರುಳುಂಟೆ?
ಕರುಳಿನ ನಂಟನು ಬಿಟ್ಟವರೊಂದಿಗೆ
ಕೊರಳಿದ್ದರೂ ಸಹ ಮಾತುಂಟೆ?
ಅನ್ಯಾಯದ ಈ ಜಗವನು ಕಾಣದ
ಪಾಪಾತ್ಮರೋ ನಾವು ಪುಣ್ಯಾತ್ಮರೋ!
*****